ភ្នំពេញ៖ គិតមកដល់ពេលនេះ នាយករដ្ឋមន្ត្រីកម្ពុជា សម្តេចធិបតី ហ៊ុន ម៉ាណែត បានជួបសំណេះសំណាលជាមួយកម្មករនិយោជិតចំនួន ១០លើកមកហើយតាំងពីកាន់តំណែងជានាយករដ្ឋមន្ត្រីកម្ពុជាក្នុងរយៈពេល ៣ខែដោយជួបជាមួយកម្មករនិយោជិតចំនួនជិត ២០ម៉ឺននាក់។

ថ្លែងនៅក្នុងពិធីសំណេះសំណាលជាមួយកម្មករនិយោជិតចំនួន ១៨ ១០៨នាក់ មកពីបណ្តារោងចក្រ សហគ្រាស ដែលមានមូលដ្ឋានក្នុងខណ្ឌកំបូល រាជធានីភ្នំពេញ នាព្រឹកថ្ងៃទី២១ ខែវិច្ឆិកា ឆ្នាំ២០២៣ សម្តេចធិបតីគូសបញ្ជាក់ថា សម្តេចនឹងបន្តជួបជាមួយនឹងកម្មករនិយោជិតចំនួន ២លើកបន្តទៀតក្នុងអាណតិ្តរាជរដ្ឋាភិបាលទី៧នេះ។

សម្តេចតេជោ បានលើកឡើងថា រាល់ពេលសម្តេចចុះជួបសំណេះសំណាលជាមួយកម្មករគឺតែងតែទទួលបានស្នាមថើបជាប់ថ្ពាល់ និងក្តីស្រឡាញ់ពីបងប្អូនកម្មករនិយោជិត៕